Category: Kombëtare

Në zhvillimin e shpejtë të qendrave urbane, në valën e njerëzve që lënë e zënë qytete apo metropole, në kaosin e ndërtimeve, në mishmashin arkitektural, kujtesa njerëzore, kryesisht e atyre në mbi të dyzetat dhe të gatshëm për ta ngadalësuar herë pas here ritmin e vrullshëm të jetës së sotme, kapet pas së shkuarës përmes gjërash identifikuese ende të pafshira nga kjo kohë e pamëshirshme.

Në hyrjen një rruge janë me rëndësi konceptet dhe objektivat. Përzgjedhja e rrugës kushtëzohet prej tyre, siç kushtëzohet dhe ecja në të. Botimet tona kanë bërë rrugën e tyre, të shtruar e rregulluar hap pas hapi, botim pas botimi, udhëhequr nga ide të qarta dhe këmbëngulja për të fituar spikatje në një fushë veprimtarie me shumë konkurrencë.