E hareshme ishte paraditja e kësaj të mërkure të 23 nëntorit për shumë fëmijë jetimë nën përkujdesin e vazhdueshëm të Fondacionit ALSAR.
Në shoqërinë e njëri-tjetrit, ata luajtën dhe qeshën për orë të tëra në një ambient plot me lodra dhe mundësi për t’u argëtuar.
Derdhën energjitë fimijërore, treguan aftësitë, dhe lumturuan veten e gëzuan njerëzit që i rrethonin, shoqëruesit dhe organizatorët e aktivitetit.
Aktiviteti pasonte një varg veprimtarish humanitare në mbështetje dhe në ndihmë të fëmijëve jetimë.
Gjithçka e organizuar, një projekt i tërë i zbatuar, u vu në lëvizje në kuadër të ditëve të solidaritetit human me njerëz në nevojë.
